Προσευχή για τους κακούς λογισμούς

Προσευχή για τους κακούς λογισμούς


προσευχή εναντίων του υλικού και γεώδους φρονήματος
και αιτήσεως πνευματικής προόδου

Κύριε Ιησού Χριστέ, Υιέ Θεού του ζώντος, ο επιφανείς εν τω κόσμω ίνα άρης την αμαρτίαν του κόσμου, ο δια την ανθρώπων σωτηρίαν, γεγονώς άνθρωπος αναμάρτητος, ίνα της πλάνης ελευθερώσεις του εχθρού και αγιάσας την φύσιν ημών, εγκαινίσης ημίν την αιώνιον ζωήν, την επίγνωσιν του αληθινού Θεού ημών, έξελε απ' εμού πάσαν αναισθησίαν και άγνοιαν, πάσαν ραθυμίαν και αμέλειαν, πάσαν αισχρουργίαν και ηδυπάθειαν, πάσαν απροσεξίαν και πονηράν πρόληψιν. Μετέβαλε φιλάγαθε Κύριε την φιλαμαρτήμονα μου γνώμην εις αγαθήν και σπουδαίαν προαίρεσιν εις εργασίαν πρόθυμον των ζωοπαρόχων σου εντολών, εις επιθυμίαν των απορρήτων σου αγαθών, εις όρεξιν σύντονον της βιαζομένης σου βασιλείας και βιασταίς αρπαζομένης, εις δειλίαν και φόβον και τρόμον της αιωνίου κολάσεως. Ένθες τη ψυχή μου την έφεσιν της απολαύσεως των ουρανίων τερπνών, ίνα καταφρονήσω των γεηρών και ματαίων κοσμικών ηδονών και τας απαρχάς της μελλούσης αϊδίου ζωής και τρυφής εντεύθεν προσλάβωμαι και εν τω κόσμω ως υπερκόσμιος πολιτεύομαι καθώς συ Κύριε Δημιουργέ θαυμαστέ, τον άνθρωπον εξ αρχής έπλασας και ούτως εθέλεις πολιτεύεσθαι. Λάμψον επ' εμοί ο ήλιος της δικαιοσύνης, το Φως του κόσμου, τας γλυκείας και ζωογόνους ακτίνας σου και θέρμανον την ψύξιν της αγνωμονός μου γνώμης και φύσεως. Τας γνωστικάς δυνάμεις της ψυχής μου φώτισον, τον νουν σόφισον, την διάνοιαν στήριξον, σην δόξαν εξασφάλισον, την φαντασίαν ίθυνον, την αίσθησιν φρούρησον, τας έξω θύρας προς ας και δι' ων ο πόλεμος παιδαγώγησον, τους οφθαλμούς σωφρόνισον, και βλέπειν λεία και ευθύτατα οδήγησον τα ώτα προς υπακοήν και συναίσθησιν της σης σοφίας και των αγίων σου λόγων άνοιξον, και εν φωνή αγαλλιάσεως και εξομολογήσεως ήχου εορτάζοντος γλύκανον, την όσφρησιν σύστειλον και ποίησον δραμείν εις ευωδίαν του νοητού μύρου σου, ο Νυμφίος ο κάλλει ωραίος παρά πάντας ανθρώπους, την γεύσιν μάρανον, την αφήν κυβέρνησον ώστε τας χείρας εκτείνειν οσίως προς δοξολογίαν της δόξης σου και προς ευποιΐαν του πλησίον δαψιλή. Τους πόδας τρέχειν προθύμως εις οδόν ευθείαν των αγίων σου εντολών και ειρήνην ευαγγελίζεσθαι. Εμφύτευσον τη καρδία μου τον αγνότατον φόβον σου η δι' αυτού προς την σην αγάπην με πτέρωσον. Ένθες μοι Κύριε ο Θεός μου ανεξάλειπτον την μνήμην του αγίου και φρικτού ονόματός σου, όθεν η αληθινή ευφροσύνη ναοποιών με σεαυτώ και ενοικών μου και εμπεριπατών και όλων με αγιάζων και φωτίζων και εφράνων, Ιησού γλυκύτατε Χριστέ, τη αφάτω σου χάριτι και μονήν παρ' εμοί τω αναξίω ποιών, συν τω Πατρί και τω αγίω σου Πνεύματι, εις το τα σα νοείν τα σα λαλείν τα σα ποιείν τα σα φρονείν, ζην σε εν εμοί, καμέ εν σοι και τοις σοις ζην και πνέειν διηνεκώς. Απόστησον απ' εμού Φιλάνθρωπε Κύριε πάσαν κενοδοξίαν και υπερηφανίαν, καρδίαν δε συντετριμμένη και τεταπεινωμένη και Πνεύμα ευθές εγκαίνισον εν τοις εγκάτοις μου. Ναι Κύριε, ο τα ταπεινά εφορών τη προνοητική και συνεκτική σου δυνάμει αυτά οικειούμενος, και τα υψηλά τε και υπερήφανα από μακρόθεν γινώσκων μηδεμίαν προς σε οικείωσιν έχοντα. Ένθες Φιλάγαθε Κύριε συνεχή και ακατάπαυστον την μελέτη του θανάτου τον όρον της καλής φιλοσοφίας, την φροντίδα της εντεύθεν εκδημίας, την μέριμναν της ώρας του τέλους μου, την μνήμην του χωρισμού της ψυχής από του σώματος, πως γη ειμί και εις γην απελεύσομαι, πως έσται η κατ' εικόνα Θεού πλασθείσα μοι ωραιότης, άμορφος, άδοξος, μη έχουσα είδος, πως μετ' ου πολύ σαπρία και βδέλυγμα και σκωλήκων τροφή, πως ματαιότης πας άνθρωπος ζων, πως εν εικόνι διαπορεύεται άνθρωπος, πλήν μάτην ταράσσεται ότι άνθρωπος ωσεί χόρτος και αι ημέραι αυτού ωσεί σκιά παράγουσι πως ως άνθος μαραίνεται και ως όναρ παρέρχεται και διαλκύεται πας άνθρωπος ότι καπνός εν ρισίν η πνοή ημών και πάσα δόξα ανθρώπου ως άνθος χόρτου. Κατάβαλε Κύριε και νέκρωσον το σαρκικόν μου φρόνημα, ίνα μη ο μισώ τούτο πράττω, μηδέ ο βδελύττομαι τούτο ποθώ, μηδέ αποβλέπω εις ματαιότητας και μανίας ψευδείς. Κατάργησον Κύριε πάσαν μεθοδείαν του αντικειμένου και σβέσον τα πεπυρωμένα βέλη του πονηρού τη παντοδυνάμω ισχύει σου. Έξελε από εμού μακρόθυμε και πανάγαθε Κύριε τας κοσμικάς επιθυμίας και εμπαθείς ορμάς, ίνα μη μάτην ταραττώμαι ίνα μη θέλω ανθρώποις αρέσκειν αλλά σοι τω αγαθώ μου Δεσπότη και ευεργέτη και κατά χάριν Πατρί ίνα φύγω τον πλάνον κόσμον και κοσμοκράτορα και γένωμαι καθαρός σου του Ποιητού και Θεού και Σωτήρος μου. Καθήλωσον εκ του φόβου σου τας σάρκας μου ο νεκρώσας τον νεκρωτήν και τας αχράντου σου χείρας και πόδας προσηλωθείς εν τω Σταυρώ ίνα στηλιτεύσης την αμαρτίαν και την πλάνην του εχθρού. Ανάστησον με του βορβόρου της απονοίας και του ταρτάρου της λήθης και του άδου της πωρώσεως, ο βουλήσει μόνη και φωνή σου παντοδυνάμω τον Λάζαρον εγείρας εκ τάφου τετραήμερον και την ζωοποιώ σου νεκρώσει τον άνθρωπον ζωώσας και τον Αδάμ συναναστήσας παγγενή. Ευδόκησον Κύριε συστρεφείν με προς εμαυτόν και τα της ψυχής κάλλη και τον νουν έχειν και πάσαν σπουδήν και επιμέλειαν προς αυτά και την νοητήν αγλαΐαν και το αμήχανον κάλλος φαντάζεσθαι και σε ποθείν τον νοητόν Νυμφίον των ψυχών τον ωραίον κάλλει παρά πάντας υιούς των ανθρώπων, και της αρρήτου σου χαρμονής εφιέσθαι και μη επτοήσθαι προς τα έξω τερπνά, μηδέ προσπαθείν τοις βιωτικοίς μηδέ προστετηκέναι τοις κοσμικοίς και μη ματαιάζειν προς ακαίρους καλλωπισμούς, μηδέ τοις κακώς συμβουλεύειν πείθεσθαι αγνείας ραντισμώ και λουτήρι δακρύων θερμών, των κακών μου τον ρύπον απόπλυνον, ελαίω τε ευποιΐας και της προς τον πλησίον καθαράς αγάπης την ψυχικήν λαμπάδα μου φαίδρυνον και αντί μύρου ευώδους, μύρω πολυτελούς και βαριτίμου βίον καθαρόν εν μετανοία μοι κτισθέντα προσφέρειν σοι αξίωσον Κύριε. Ειρήνης αγγέλω πιστώ φύλακι παρακατάθου την ζωήν μου. Αγγέλου αγίου παρεμβολή την πνοήν μου, και τέλος αγγέλω φωτεινώ, οδηγώ, βοηθώ, προμάχω την αθλίαν μου ψυχήν ίνα και νυν ανενόχως και ακατακρίτως μετέχων της μερίδος των αγιασμάτων σου, του ζωοποιού σου σώματος και αίματος αγίου αγιάζομαι και φωτίζομαι. Και μετά τούτου τον βίον, εν σκηναίς Δικαίων, εν μοναίς Αγίων, εν μερίδι του κλήρου των απ' αιώνος σοι ευαρεστησάντων καταταγώ, και της αιωνίου σου βασιλείας καταξιωθώ φιλάνθρωπε Κύριε. Πρεσβείες της παναχράντου σου Μητρός της υπερευλογημένης Δεσποίνης μου Θεοτόκου και πάντων σου των αγίων. Αμήν.

Posted in Προσευχή για αισχρούς και πονηρούς λογισμούς, Προσευχή για κακούς λογισμούς