Παράκληση αγίων Σέργιου και Βάκχου

Οσίου Ευμένιου του θαυματουργού επίσκοπου Γορτύνης. Αγίας Αριάδνης, όσιου Ρωμύλου της Ραβάνιτσας, Αγίων Σοφίας και Ειρήνης. Αγίου Κάστωρα, Άγιου Ιλαρίωνα της Όπτινα

Παρακλητικός Κανών αγίων Σέργιου και Βάκχου
Εορτάζουν 7 Οκτωβρίου

Ὁ Κανών τῶν Ἁγίων, οὗ ἡ Ἀκροστιχίς.
Σέργιον ἀθλοφόρον και Βάκχον ἀοίδιμον ᾄδω. Θεοφάνους

 
Κύριε, εἰσάκουσον τῆς προσευχῆς μου, ἐνώτισαι τήν δέησίν μου ἐν τῇ ἀληθείᾳ σου, εἰσάκουσόν μου ἐν τῇ δικαιοσύνῃ σου· καί μή εἰσέλθῃς εἰς κρίσιν μετά τοῦ δούλου σου, ὅτι οὐ δικαιωθήσεται ἐνώπιόν σου πᾶς ζῶν. ὅτι κατεδίωξεν ὁ ἐχθρός τήν ψυχήν μου, ἐταπείνωσεν εἰς γῆν τήν ζωήν μου, ἐκάθισέ με ἐν σκοτεινοῖς ὡς νεκρούς αἰῶνος· καί ἠκηδίασεν ἐπ᾿ ἐμέ τό πνεῦμά μου, ἐν ἐμοί ἐταράχθη ἡ καρδία μου. ἐμνήσθην ἡμερῶν ἀρχαίων, ἐμελέτησα ἐν πᾶσι τοῖς ἔργοις σου, ἐν ποιήμασι τῶν χειρῶν σου ἐμελέτων. διεπέτασα πρός σέ τάς χεῖράς μου, ἡ ψυχή μου ὡς γῆ ἄνυδρός σοι. ταχύ εἰσάκουσόν μου, Κύριε, ἐξέλιπε τό πνεῦμά μου· μή ἀποστρέψῃς τό πρόσωπόν σου ἀπ᾿ ἐμοῦ, καί ὁμοιωθήσομαι τοῖς καταβαίνουσιν εἰς λάκκον. ἀκουστόν ποίησόν μοι τό πρωΐ τό ἔλεός σου, ὅτι ἐπί σοί ἤλπισα· γνώρισόν μοι, Κύριε, ὁδόν, ἐν ᾗ πορεύσομαι, ὅτι πρός σέ ἦρα τήν ψυχήν μου· ἐξελοῦ με ἐκ τῶν ἐχθρῶν μου, Κύριε, ὅτι πρός σέ κατέφυγον. δίδαξόν με τοῦ ποιεῖν τό θέλημά σου, ὅτι σὺ εἶ ὁ Θεός μου· τό πνεῦμά σου τό ἀγαθόν ὁδηγήσει με ἐν γῇ εὐθείᾳ. ἕνεκεν τοῦ ὀνόματός σου, Κύριε, ζήσεις με, ἐν τῇ δικαιοσύνῃ σου ἐξάξεις ἐκ θλίψεως τήν ψυχήν μου· καί ἐν τῷ ἐλέει σου ἐξολοθρεύσεις τοὺς ἐχθρούς μου καί ἀπολεῖς πάντας τοὺς θλίβοντας τήν ψυχήν μου, ὅτι ἐγώ δοῦλός σού εἰμι.

Θεός Κύριος, και επέφανεν ημίν· ευλογημένος ο ερχόμενος εν ονόματι Κυρίου.
Στίχ. α΄ Ἐξομολογείσθε τω Κυρίῳ, και επικαλείσθε το όνομα το άγιον Αυτού.
Θεός Κύριος, και επέφανεν ημίν· ευλογημένος ο ερχόμενος εν ονόματι Κυρίου.
Στίχ. β΄ Πάντα τα έθνη εκύκλωσαν με, και τώ ονόματι Κυρίου ημυνάμην αυτούς.
Θεός Κύριος, και επέφανεν ημίν· ευλογημένος ο ερχόμενος εν ονόματι Κυρίου.
Στίχ. γ΄ Παρά Κυρίου εγένετο αύτη, και έστι θαυμαστή εν ὀφθαλμοίς ημών.
Θεός Κύριος, και επέφανεν ημίν· ευλογημένος ο ερχόμενος εν ονόματι Κυρίου.

Ἦχος α’. Τοῦ λίθου σφραγισθέντος.
Τριάδος τῆς Ἁγίας ὀπλίται τροπαιοῦχοι, ἡ λαμπρά δυάς τῶν Μαρτύρων, ὠράθητε ἐν ἄθλοις, Σέργιος ὁ θεῖος ἀριστεύς, και Βάκχος ὁ γενναῖος ἀθλητής, διά τοῦτο δοξασθέντες περιφανῶς, προΐστασθε τῶν βοώντων Δόξα τῷ ἐνισχύσαντι ὑμᾶς, δόξα τῷ στεφανώσαντι, δόξα τῷ ἐνεργούντι δι' ὑμῶν, πάσιν ἰάματα

Δόξα Πατρί… Και νυν…Θεοτοκίον.
Ου σιωπήσωμεν ποτέ Θεοτόκε, τας δυναστείας σου λαλείν οι ανάξιοι, ειμή γαρ συ προΐστασο πρεσβεύουσα, τις ημάς ερρύσατο εκ τοσούτων κινδύνων; Τις δε διεφύλαξεν έως νυν ελευθέρους; Ουκ αποστώμεν Δέσποινα εκ σου, σους γαρ δούλους σώζεις, αεί εκ παντοίων δεινών.

Είτα ο Ν' Ψαλμός
Ἐλέησόν με, ὁ Θεός, κατά τό μέγα ἔλεός σου καί κατά τό πλῆθος τῶν οἰκτιρμῶν σου ἐξάλειψον τό ἀνόμημά μου· ἐπί πλεῖον πλῦνόν με ἀπό τῆς ἀνομίας μου καί ἀπό τῆς ἁμαρτίας μου καθάρισόν με ὅτι τήν ἀνομίαν μου ἐγὼ γινώσκω, καί ἡ ἁμαρτία μου ἐνώπιόν μού ἐστι διαπαντός σοί μόνῳ ἥμαρτον καί τό πονηρόν ἐνώπιόν σου ἐποίησα, ὅπως ἂν δικαιωθῇς ἐν τοῖς λόγοις σου, καί νικήσῃς ἐν τῷ κρίνεσθαί σε ἰδοὺ γάρ ἐν ἀνομίαις συνελήφθην, καί ἐν ἁμαρτίαις ἐκίσσησέ με ἡ μήτηρ μου ἰδοὺ γάρ ἀλήθειαν ἠγάπησας, τά ἄδηλα καί τά κρύφια τῆς σοφίας σου ἐδήλωσάς μοι ραντιεῖς με ὑσσώπῳ, καί καθαρισθήσομαι, πλυνεῖς με, καί ὑπέρ χιόνα λευκανθήσομαι ἀκουτιεῖς μοι ἀγαλλίασιν καί εὐφροσύνην, ἀγαλλιάσονται ὀστέα τεταπεινωμένα ἀπόστρεψον τό πρόσωπόν σου ἀπό τῶν ἁμαρτιῶν μου καί πάσας τάς ἀνομίας μου ἐξάλειψον καρδίαν καθαράν κτίσον ἐν ἐμοί, ὁ Θεός, καί πνεῦμα εὐθές ἐγκαίνισον ἐν τοῖς ἐγκάτοις μου μή ἀποῤῥίψῃς με ἀπό τοῦ προσώπου σου καί τό πνεῦμά σου τό ἅγιον μή ἀντανέλῃς ἀπ᾿ ἐμοῦ ἀπόδος μοι τήν ἀγαλλίασιν τοῦ σωτηρίου σου καί πνεύματι ἡγεμονικῷ στήριξόν με διδάξω ἀνόμους τάς ὁδούς σου, καί ἀσεβεῖς ἐπί σέ ἐπιστρέψουσι ρῦσαί με ἐξ αἱμάτων, ὁ Θεός ὁ Θεός τῆς σωτηρίας μου· ἀγαλλιάσεται ἡ γλῶσσά μου τήν δικαιοσύνην σου. Κύριε, τά χείλη μου ἀνοίξεις, καί τό στόμα μου ἀναγγελεῖ τήν αἴνεσίν σου ὅτι εἰ ἠθέλησας θυσίαν, ἔδωκα ἄν· ὁλοκαυτώματα οὐκ εὐδοκήσεις θυσία τῷ Θεῷ πνεῦμα συντετριμμένον, καρδίαν συντετριμμένην καί τεταπεινωμένην ὁ Θεός οὐκ ἐξουδενώσει ἀγάθυνον, Κύριε, ἐν τῇ εὐδοκίᾳ σου τήν Σιών, καί οἰκοδομηθήτω τά τείχη ῾Ιερουσαλήμ· τότε εὐδοκήσεις θυσίαν δικαιοσύνης, ἀναφοράν καί ὁλοκαυτώματα· τότε ἀνοίσουσιν ἐπί τό θυσιαστήριόν σου μόσχους.

 

ᾨδή α' Ἦχος α' Ὁ Εἱρμός Σοῦ ἡ τροπαιοῦχος δεξιά

Άγιοι Σέργιε και Βάχκε πρεσβεύσατε υπέρ ημών
Σέργιε θεράπον τοῦ Χριστοῦ, συμπεσβευτήν προσλαβών και συλλήπτορα, Βάκχον τον ἀοίδιμον, μεθ' οὗ τους ἄθλους θεοφρόνως ἤνυσας, λόγον μοι σοφίας, ἡμᾶς ὑμνοῦντι βραβεύσατε.

Άγιοι Σέργιε και Βάχκε πρεσβεύσατε υπέρ ημών
Ἐπί την ἀσάλευτον Χριστοῦ, πέτραν τῆς πίστεως Ἅγιοι Μάρτυρες, θέντες τον θεμέλιον, ἐπ' ἀσφαλοῦς ἐρηρεισμένοι βάσεως, πρόβολοι και πύργοι, τῆς εὐσεβείας ἐδείχθητε.

Άγιοι Σέργιε και Βάχκε πρεσβεύσατε υπέρ ημών
Ῥήμασι πιστεύσαντες Χριστοῦ, και προς αὐτόν ἀκλινῶς ἀτενίζοντες, πᾶσαν διεπτύσατε, παρερχομένην εὐδοξίαν Ἅγιοι, δόξης ἀϊδίου, κατασχεθέντες τῷ ἔρωτι.

Δόξα Πατρί και Υιώ και Αγίω Πνεύματι
Γένους και πατρίδος και τιμῆς, δια Χριστόν γυμνωθέντες ἠγάλλεσθε, και περιβαλλόμενοι, θηλυπρεπές ἀνδρειοφρόνως ἔνδυμα την τῆς ἀφθαρσίας, καταστολήν ἠμφιάσασθε.

Και νυν και αεί και εις τους αιώνας των αιώνων αμήν
Ἵλεων γενέσθαι τοῖς πιστοῖς, και εὐμενῆ Θεομῆτορ δυσώπησον, Λόγον ὃν ἐγέννησας, σωματικῶς ἡμῖν ἐπιδημήσαντα· σε γαρ προστασίαν, και σωτηρίαν κεκτήμεθα.

ᾨδή γ' Ἦχος α' Ὁ μόνος εἰδώς
Άγιοι Σέργιε και Βάχκε πρεσβεύσατε υπέρ ημών
Ὁ μόνος γινώσκων ὡς Θεός, τα πάντα πριν γενέσεως, την προς αὐτόν ὁρῶν ὑμῶν πρόθεσιν, σοφίας λόγων και θείας γνώσεως, και στερροῦ φρονήματος, δαψιλῶς ἐνέπλησεν, ὡς αὐτοῦ στρατιώτας Μακάριοι.

Άγιοι Σέργιε και Βάχκε πρεσβεύσατε υπέρ ημών
Νομίμως θεράποντες Χριστοῦ, ἀθλῆσαι προελόμενοι, την φθειρομένην δόξαν και ῥέουσαν, και κόσμον πάντα και κοσμοκράτορα, λογισμῷ θεόφρονι, ἀθλοφόροι Μάρτυρες, ἑβδελύξασθε πόθῳ τοῦ κτίσαντος.

Δόξα Πατρί και Υιώ και Αγίω Πνεύματι
Ἀχράντοις νοός ἐπιβολαῖς, Θεῷ νῦν παριστάμενοι, και τῆς ἐκεῖθεν αἴγλης πληρούμενοι, και τῆς ἀφράστου μακαριότητος, σαφῶς ἀπολαύοντες, πειρασμῶν τους ἡμᾶς γεραίροντας, Ἀθλοφόροι λυτρώσασθε.

Και νυν και αεί και εις τους αιώνας των αιώνων αμήν
Θανάτῳ κρατούμενος το πρίν, Ἀδάμ νῦν ἠλευθέρωται, τῇ σῇ γεννήσει μόνη Θεόνυμφε· ζωήν γαρ ὄντως την ἐνυπόστατον, ἑνωθεῖσαν σώματι, Ἁγνή καθ' ὑπόστασιν, ὑπέρ φύσιν και λόγον ἐκύησας.

Ἦχος πλ. δ' Την σοφίαν και λόγον
Τα τῆς πίστεως ἄνθη, τους νοητούς μαργαρίτας Κυρίου και ἀθλητάς, Σέργιον τιμήσωμεν, και τον Βάκχον τους Μάρτυρας, ὡς τοῦ ἐχθροῦ την πλάνην, ἐνθέως πατήσαντας, και τῶν εἰδώλων πᾶσαν ἰσχύν ἐδαφίσαντας· ὅθεν ἐπαξίως, οὐρανόθεν το στέφος, τῆς νίκης δεξάμενοι, συν Ἀγγέλοις χορεύουσι· διό πίστει βοήσωμεν· Πρεσβεύσατε Χριστῷ τῷ Θεῷ, τῶν πταισμάτων ἄφεσιν δωρήσασθαι, τοῖς ἑορτάζουσι πόθῳ, την ἁγίαν μνήμην ὑμῶν.

Δόξα... Και νῦν... Θεοτοκίον
Ἐνθυμοῦμαι την κρίσιν και δειλιῶ, ἔργα πράξας αἰσχύνης ὁ ταπεινός, ἄξια και δέομαι, Θεοτόκε πανύμνητε· Πριν τας πύλας φθάσω, θανάτου ἐπίστρεψον, προς τήν τῆς μετανοίας, ὁδόν ὁδηγοῦσά με, ἵνα εὐχαρίστως, προσκυνῶν ἀνυμνῶ σου, την ἄμετρον δύναμιν, και την θείαν ἀντίληψιν, Παναγία Θεόνυμφε, πρεσβεύουσα Χριστῷ τῷ Θεῷ, ὑπέρ οὗ αἰτοῦμαί σε δοθῆναί μοι, ἱλασμόν ἁμαρτιῶν, και μέγα ἔλεος.

ᾨδή δ' Ἦχος α' Ὄρος σε τῇ χάριτι

Άγιοι Σέργιε και Βάχκε πρεσβεύσατε υπέρ ημών
Λαμπτῆρες διττοί, ἀπό δυσμῶν ἐξανέτειλαν, την ἐναντίαν τῷ τῆς γῆς, τότε κρατοῦντι δυσσεβεῖ, ποιούμενοι κίνησιν, και προς την σην ἀνατολήν ἐπειγόμενοι, τήν φωτοφόρον Χριστέ και σωτήριον.

Άγιοι Σέργιε και Βάχκε πρεσβεύσατε υπέρ ημών
Οὐ ξίφος οὐ πῦρ, οὐ διωγμός οὐδέ μάστιγες, τῆς εὐσεβοῦς περί Θεόν, γνώμης ἐχώρισαν ὑμᾶς· ζωήν γαρ ἡγήσασθε, την τελευτήν την δι' αὐτόν Ἀξιάγαστοι, και μακαρίαν τρυφήν και ἀνώλεθρον.

Άγιοι Σέργιε και Βάχκε πρεσβεύσατε υπέρ ημών
Φωστῆρες οἱ ὄντως, ἀπλανεῖς τό στερέωμα, τῆς Ἐκκλησίας τοῦ Χριστοῦ, περιαυγάζουσι φωτί, τῆς θείας ἐλλάμψεως, και τας ψυχάς τῶν εὐσεβῶν κατευφραίνουσι, τάς τῶν θαυμάτων ἀκτῖνας ἐκπέμποντες.

Δόξα Πατρί και Υιώ και Αγίω Πνεύματι
Ὁ Βάκχος ὁ θεῖος, και πανάριστος Σέργιος, ἐνιαυτῶν περιτροπαῖς, τους εὐσεβείας ἐραστάς, και τους φιλομάρτυρας, πνευματικῶς προς εὐωχίαν προτρέπονται, τάς ἀριστείας αὐτῶν προτιθέμενοι.

Και νυν και αεί και εις τους αιώνας των αιώνων αμήν
Ῥομφαία τας πύλας, τῆς Ἐδέμ ἡ φυλάττουσα, παραχωρεῖ νῦν τοῖς πιστοῖς, και ὑποδέχεται φαιδρῶς, τιμίῳ ἐν αἵματι, τοῦ ἐκ τῆς σῆς γαστρός τεχθέντος Πανάμωμε, σημειωθέντας ὁρῶσα και χάριτι. 

ᾨδή ε' Ἦχος α' Ὁ φωτίσας τῇ ἑλλάμψει

Άγιοι Σέργιε και Βάχκε πρεσβεύσατε υπέρ ημών
Οἱ την πλάνην ἀληθείας ἐν ὅπλῳ ἐλάσαντες, και τυράννων καρτερῶς ἀικισμούς ὑπομείναντες, νικηταί γεγόνατε, παρά Χριστοῦ στεφανωθέντες, και νῦν ἀξίως ἀγάλλεσθε.

Άγιοι Σέργιε και Βάχκε πρεσβεύσατε υπέρ ημών
Νευρούμενοι ἀηττήτῳ δυνάμει και χάριτι, τῆς Τριάδος, ἡ δυάς τῶν Μαρτύρων κατέβαλε, τον τοῦ σκότους ἄρχοντα, και τους αὐτῷ δεδουλωμένους, τῆς τούτου πλάνης ἐρρύσατο.

Δόξα Πατρί και Υιώ και Αγίω Πνεύματι
Καρτερίᾳ και ἀνδρείᾳ ψυχῆς και στερρότητι, διανοίας ξυνωρίς, τῶν Μαρτύρων ἡ ἔνδοξος, ὑπερέβη ἅπασαν, τῶν διωκτῶν πικράν μανίαν, και συν Ἀγγέλοις αὐλίζεται.

Και νυν και αεί και εις τους αιώνας των αιώνων αμήν
Ἀνέτειλας Θεομῆτορ ὡς ὄρθρος τον Ἥλιον, τον ἄδυτον ἡνωμένον σαρκί καθ' ὑπόστασιν, ἐν ἀγκάλαις φέρουσα, τῆς ἀληθοῦς δικαιοσύνης· διο σε πάντες δοξάζομεν. 

ᾨδή ς' Ἦχος α' Ἐκύκλωσεν ἡμᾶς

Άγιοι Σέργιε και Βάχκε πρεσβεύσατε υπέρ ημών
Ἰάσεων πηγάς Μαρτύρων λείψανα, πλουσίως ἀναβρύουσιν, ἀρυσώμεθα προθύμως οὖν πιστοί, και τους Ἀθλοφόρους μακαρίσωμεν, τον εὐκλεῆ, Σέργιον και Βάκχον τόν ἀοίδιμον.

Άγιοι Σέργιε και Βάχκε πρεσβεύσατε υπέρ ημών
Βαρούμενοι την μετ' ἀνόμων σκήνωσιν, και πλάνῃ δυσχεραίνοντες, την οὐράνιον πορείαν εὐσταλῶς, Σέργιος και Βάκχος ἐπορεύοντο, και προς Χριστόν, λιμένα ἔφθασαν τον ἀχείμαστον.

Δόξα Πατρί και Υιώ και Αγίω Πνεύματι
Ἀνοίγονται τοῖς ἀθλοφόροις Μάρτυσιν, αἱ πύλαι αἱ οὐράνιαι, εὐλαβούμεναι το πάθος το σεπτόν, το τῇ ἐκτιμήσει τοῦ Θεοῦ ἡμῶν, χαριτωθέν, και φυγαδεῦον δαιμόνων φάλαγγας.

Και νυν και αεί και εις τους αιώνας των αιώνων αμήν
Κυρίως σε Θεοῦ Μητέρα Πάναγνε, φρονοῦντες καταγγέλλομεν· τον γαρ ἄναρχον Υἱόν μονογενῆ, τον προ τῶν αἰώνων ἀναλάμψαντα, ἐκ τοῦ Πατρός, ἀνερμηνεύτως Παρθένε τέτοκας.

Ἦχος β' Τα ἄνω ζητῶν
Τον νοῦν προς ἐχθρούς ἀνδρείως παρατάξαντες, την πᾶσαν αὐτῶν ἀπάτην κατελύσατε, και την νίκην ἄνωθεν, εἰληφότες Μάρτυρες πανεύφημοι, ὁμοφρόνως ἐκράζετε· Καλόν και τερπνόν το συνεῖναι Χριστῷ.

Ἐν οὐρανοῖς Χριστέ, κατοικοῦντες, Σέργιός τε και Βάκχος, και τοῦ θείου φωτός τοῦ παρά σοῦ ἐμφορούμενοι, ἐμέ τον ἐν σκότει τῆς ἀγνωσίας πορευόμενον, προφθάσειαν δια τάχους, και τῶν παθῶν ἀφαρπάσειαν, μόνε ἀθάνατε, στολήν μοι τῆς ἀφθαρσίας καταπέμποντες· ὅπως λευχειμονῶν, την φωτοφόρον αὐτῶν ἑορτήν ἀνυμνῶ, και κραυγάζω σοι Κύριε· Καλόν και τερπνόν το συνεῖναι Χριστῷ. 

ᾨδή ζ' Ἦχος α' Σε νοητήν, Θεοτόκε

Άγιοι Σέργιε και Βάχκε πρεσβεύσατε υπέρ ημών
Χαῖρε δυάς, Ἀθλοφορων ἔνδοξε, χαῖρε νικήσασα λαμπρῶς, τῶν τυράννων τας ἀπειλάς, χαῖρε ἡ ἀνύσασα, δρόμον τόν μακάριον, χαῖρε τρυφῆς ἀεί ἔνδον μένουσα, χαῖρε τρανῶς, παρεστῶσα Θεῷ θεομακάριστε.

Άγιοι Σέργιε και Βάχκε πρεσβεύσατε υπέρ ημών
Ὁλολαμπεῖς, ἐπί γῆς βαδίζοντες, τας τῶν δαιμόνων μηχανάς, και τας ὄψεις τῶν διωκτῶν, Μάρτυρες ἠμβλύνατε, φέγγει τῷ τῆς χάριτος, και ταῖς αὐγαῖς τῆς ἀθλήσεως, τον αἰνετόν ἀνυμνοῦντες, Θεόν τόν ὑπερένδοξον.

Δόξα Πατρί και Υιώ και Αγίω Πνεύματι
Ναοί Θεοῦ, πεφηνότες ἔνδοξοι, ζῶντος και ζῶντες Ἀθληταί, τῇ δυνάμει τῇ τοῦ Σταυροῦ, ὄντως δυναμούμενοι, στῖφος ἐτροπώσασθε, τῶν δυσμενῶν παμμακάριστοι, τον κραταιόν ἐν πολέμοις, Θεόν ὕμνοις γεραίροντες.

Και νυν και αεί και εις τους αιώνας των αιώνων αμήν
Ἄχραντε σύ, ναός ἐχρημάτισας, και Παναγία κιβωτός, δεξαμένη τον Ποιητήν, τον ἀπερινόητον, και τον ἀπερίληπτον, ἐν τῇ γαστρί σου χωρήσασα, τον αἰνετόν τῶν Πατέρων, Θεόν και ὑπερένδοξον.
 

ᾨδή η' Ἦχος α' Ἐν καμίνῳ Παῖδες

Άγιοι Σέργιε και Βάχκε πρεσβεύσατε υπέρ ημών
Ὁ τῇ δρόσῳ πάλαι τοῖς Παισί, την φλόγα καταψύξας, ἑστῶτας ἐν τοῖς ἀγῶσιν, ἐδυνάμωσεν αὐτοῦ, τους Μάρτυρας ψάλλοντας· Εὐλογεῖτε πάντα τα ἔργα Κυρίου, τόν Κύριον ὑμνεῖτε, και ὑπερυψοῦτε, εἰς πάντας τους αἰῶνας.

Άγιοι Σέργιε και Βάχκε πρεσβεύσατε υπέρ ημών
Ἰοβόλους και ψυχοβλαβεῖς, θωπείας τῶν τυράννων, ἐμφρόνως οἱ, Ἀθλοφόροι, διεκρούσαντο, Χριστῷ, βοῶντες και ψάλλοντες· Εὐλογεῖτε πάντα τα ἔργα Κυρίου, τόν Κύριον ὑμνεῖτε, και ὑπερυψοῦτε, εἰς πάντας τους αἰῶνας.

Άγιοι Σέργιε και Βάχκε πρεσβεύσατε υπέρ ημών
Δραστηρίους φύλακας ἡμῖν, τον Σέργιον και Βάκχον, τους ὄντως στεφανηφόρους, ἐπεστήσατο Χριστός, φρουροῦντας τους ψάλλοντας· Εὐλογεῖτε πάντα τα ἔργα Κυρίου, τον Κύριον ὑμνεῖτε, και ὑπερυψοῦτε, εἰς πάντας τους αἰῶνας.

Δόξα Πατρί και Υιώ και Αγίω Πνεύματι
Ἴθυνόν μοι Δέσποτα Χριστέ, πρεσβείαις τῶν Μαρτύρων, την τρίβον τῆς ἀρετῆς μοι, κατευμαρίζων και σοί, κραυγάζειν ἀξίωσον· Εὐλογεῖτε πάντα τα ἔργα Κυρίου, τον Κύριον ὑμνεῖτε, και ὑπερυψοῦτε, εἰς πάντας τους αἰῶνας.

Και νυν και αεί και εις τους αιώνας των αιώνων αμήν
Μακαρίζω σε την ἀληθῆ, Θεοῦ ἡμῶν Μητέρα, το Χαῖρε συν τῷ Ἀγγέλῳ, προσκομίζων σοι ἁγνή, πανάμωμε Δέσποινα· σε γαρ ὄντως πάντα τα ἔργα, Παρθένε εὐλογοῦσι, και ὑπερυψοῦσιν, εἰς πάντας τους αἰῶνας.

ᾨδή θ Ἦχος α' Τύπον τῆς ἁγνῆς

Άγιοι Σέργιε και Βάχκε πρεσβεύσατε υπέρ ημών
Ὅλον τον Χριστόν ἐκτήσασθε· κόσμον γαρ ὅλον δι' αὐτόν κατελίπετε. Και νῦν Μάρτυρες, τους οὐρανούς ἐμβατεύοντες, τας χορείας τῶν ἄνω Δυνάμεων, ἀνδρῶν τε μακαρίων, κατανοεῖτε τας λαμπρότητας.

Άγιοι Σέργιε και Βάχκε πρεσβεύσατε υπέρ ημών
Νέμοις ξυνωρίς πανάριστε, τῷ τους ἐπαίνους πόθῳ σοι προσκομίζοντι, χάριν ἄνωθεν, και τῶν πταισμάτων συγχώρησιν, δυσωποῦσα τον μόνον οἰκτίρμονα, προς ὅν ἐπειγομένη, τῶν χαμαιζήλων κατεφρόνησας.

Άγιοι Σέργιε και Βάχκε πρεσβεύσατε υπέρ ημών
Αἴγλῃ τριλαμποῦς θεότητος, πεφωτισμένοι οἱ ἀήττητοι Μάρτυρες, την πολύθεον ἀπατηλήν ἀθεότητα, και τυράννων τον φόβον ἀπώσαντο, και νῦν τῆς ἀκηράτου, κατατρυφῶσιν ἀπολαύσεως.

Δόξα Πατρί και Υιώ και Αγίω Πνεύματι
Δρόμον τον καλόν τελέσαντες, την εὐσεβῆ τε πίστιν σῴζειν σπουδάσαντες, την ἀσάλευτον παραλαβεῖν ἠξιώθητε, βασιλείαν πανένδοξοι Μάρτυρες, διάδημα τοῦ κάλλους, και εὐπρεπείας περικείμενοι.

Και νυν και αεί και εις τους αιώνας των αιώνων αμήν
Ὢ τῶν ὑπέρ νοῦν θαυμάτων σου! τον τοῦ Θεοῦ γαρ Λόγον σάρκα γενόμενον, μόνη τέτοκας, ὑπερφυῶς Μητροπάρθενε, τον τα σύμπαντα θείῳ βουλήματι, σοφῶς διακρατοῦντα, και κυβερνῶντα και συνέχοντα.

ἈπολυτίκιονἮχος α’. Τοῦ λίθου σφραγισθέντος.
Τριάδος τῆς Ἁγίας ὀπλίται τροπαιοῦχοι, ἡ λαμπρά δυάς τῶν Μαρτύρων, ὠράθητε ἐν ἄθλοις, Σέργιος ὁ θεῖος ἀριστεύς, και Βάκχος ὁ γενναῖος ἀθλητής, διά τοῦτο δοξασθέντες περιφανῶς, προΐστασθε τῶν βοώντων Δόξα τῷ ἐνισχύσαντι ὑμᾶς, δόξα τῷ στεφανώσαντι, δόξα τῷ ἐνεργούντι δι' ὑμῶν, πάσιν ἰάματα

Posted in Βάκχος και Σέργιος, Παράκληση αγίων Σέργιου και Βάκχου